Nor garen
Irabazi asmorik gabeko fundazio pribatua da CITA-alzheimer Fundazioa, eta alzheimerrik gabeko mundua lortzeko lan egiten du..
Ikerketa eta terapia aurreratuak baliatzen dituen gunea gara, diziplina anitzeko profesional taldea biltzen baitugu gaixotasunari ikerketatik, laguntzatik, formakuntzatik eta sentsibilizaziotik heltzeko.
Ezagutza eta gogo bizia eskaintzen dizkiegu herritarrei, gaixoei, senideei, profesionalei eta administrazioei erantzun eta irtenbide berritzaileak, fidagarriak eta erabilgarriak emateko narriadura kognitiboaren eta garunaren zahartzearen esparruan. Betiere ardura eta etika ardatz hartuta.
Hona zertan oinarritzen den gure jarduera esparrua ikerketan:
- Diagnostiko goiztiarrean eta biomarkagailuetan.
- Fase aurre-klinikoetan eta arrisku faktoreetan.
- Terapia aurreratu berrien garapenean eta zahartzaro osasuntsuaren sustapenean.
- Pertsonen autonomian narriadura kognitiboaren prebentzioaren bidez.
Laguntza mailan arreta hurbila eta jarraitua eskaintzen diegu gaixoei eta familiei.
Gure Ikerketa eta Terapia Aurreratuen Guneak (CITA) gizarte, osasun, industria, zientzia eta irakaskuntza esparruko erakunde publiko eta pribatuekin elkarlanean jarduten du osasunaren, gizakiaren eta gizarteren arloko erreferente gisa.
