Zer den alzheimerra

Gaixotasun neurodegeneratiboa da alzheimerra edo Alzheimer gaitza, dementzia eragiten du, eta kognizioaren, jokabidearen eta egoera psikologikoaren funtzionamendu normalaren narriadura eragiten du bizimodu autonomoaren garapena galarazten duen larritasun mailarekin.

Irakurri gehiago

Dementziak independentziaren galera dakar funtzionamendu arruntean, norberaren esparruan eta familia, gizarte eta laneko esparruetan.

Partekatzeko

Ez da zahartzeko prozesu normalaren zati soil bat, garunaren egoera morbosoak eragiten du.  

Familiari eragiten dion gaixotasuna da, dementzia duen pertsonaren zaintza bideratu eta bermatu behar baitu. Eta horrek sarritan dakarzkio, batez ere zaintzaile nagusiari, gainkarga bat eta desegituraketa bat bere ezkontide edo familia harremanetan.  

Horrexegatik, hain zuzen ere, gaixoen eta zaintzaileen beharrei erantzun behar die gizarteak.

Alzheimer gaixotasuna da dementzia kasuen % 70en erantzule.

Alzheimer gaixotasunak sortzen du dementzia formarik arruntena, kasuen % 70en erantzule baita.  

Maiztasunaren ikuspegitik, garuneko gaixotasun baskularrari lotutako dementziak eta beste dementzia degeneratibo batzuk dira hurrengo ugarienak, esate baterako, Lewy gorputz dementzia, lobulu frontotenporalen narriadurak eta Parkinson gaixotasunari lotutako dementzia.

Alzheimerraren faseak:

Neuronen galera eta neuronen arteko konexio edo lotura galeraditu ezaugarri Alzheimer gaixotasunak. Gainera, amiloide proteinaren metaketak gertatzen dira plaka senil eta neuritikoen forman, eta tau proteina hiperfosforilatua duten mataza neurofibrilarretan sortzen dira.

Neuronen eta beren arteko loturen galera dakar alzheimerrak.

Gaixotasunaren aldaketa patologikoak poliki garatzen dira urteen joanean.Memoriaren prozesuetan esku hartzen duten neurona sareetan abiatzen dira, eta garun azalaren gune batzuetara hedatzen dira. Klinikoki hiru fasetan sailkatu  da prozesu motel hori:

  • Fase aurre-klinikoa:

    Fase aurre-klinikoan sintomarik ez duten lehen aldaketa patologikoak gertatzen dira garunean.  

  • Fase prodromikoa:

    Fase prodromikoan azaleratzen dira memoriaren eta beste funtzio kognitibo batzuen aurreneko hutsak, baina gaixoak eutsi egiten dio eguneroko bizitzan funtzionatzeko autonomiari 

  • Dementzia fasea:

    Dementzia fasean pazientea jada mendeko da, ezin da bere kabuz moldatu. Dementzia fase honetan ere hiru fase bereizten dira: arina, ertaina eta aurreratua.