Ikerketa Plataforma

Badira urte batzuk hna Fundazioa, Arkitektoen, Arkitekto Teknikarien eta Kimikarien eta Gizarte Aurreikuspenerako Mutualitatearen Elkarte Nazionalak osatutako irabazi asmorik gabeko erakundea, gurekin elkarlanean jarduten duela plataforman.

Irakurri gehiago

Gipuzkoa Alzheimer Proiektuaren alzheimer aurre-klinikoari eta prodromikoari buruzko luzetarako azterlanean (CITA-PGA azterlana, 410. zk.) eta Debako alzheimer aurre-klinikoaren eta prodromikoaren prebalentziaren azterketa epidemiologikoan (CITA-Deba azterlana, 270. zk.) jasotako datu, lagin biologiko eta garun irudien bankua da plataforma.

Partekatzeko

Zertarako balio du?

CITA-hna plataforma komunitate zientifiko eta unibertsitarioaren eskura dago zahartzearen eta lotutako gaixotasunen ikerketa sozial eta biosanitarioan aurrera egiteko.

Zer datu/lagin mota dira?

Datuak:  
•    Demografikoak (sexua, adina, heziketa urteak eta maila, gizarte mailaren indizea, esku nagusitasuna),,
•    Historia medikua
•    Aurrekari familiar zehatzak
•    Arrisku faktoreak (arrisku baskularreko faktoreak, CAIDE indizea, Framingham indizea)
•    Dieta eta nutrizioa (elikagaiak kontsumitzeko maiztasuna, Mediterraneoko dietarekiko atxikimendua, alkohol, tabako eta drogen kontsumoa)
•    Jarduera fisikoa (IPAQ, senior fitness test, azelerometria)
•    Loa (Pittsburgh-en loaren kalitatea)
•    Psikologia (HAD antsietate eta depresio eskala; Beck-en depresio zerrenda; NPI)
•    Neuropsikologikoak, (Test kognitibo laburrak, Memoria, hizkuntza, funtzio exekutibo, ikus-hautemateko gaitasun, ikus-eraikitzeko gaitasun eta prozesatzeko abiadura probak)
•    Funtzioak (Pfeffer-en FAQ; ADCS-ADL-MCI)
•    Genetikoak (APOE)

Laginak: 
•    Odola
•    Gernua
•    Plasma
•    DNA
•    RNA
•    Likido zefalorrakideoa

Neuroirudia
•    Erresonantzia magnetiko egiturazkoa (T1MPRAGE-3D, FLAIR, DTI, SWI, Espektrometria)
•    Erresonantzia magnetiko funtzionala (Bold-Resting State, ASL)

Nola lortu dira datu/lagin horiek?

Honako hauetan egindako ebaluazioetatik abiaturik:

Deba azterlan epidemiologikoa (2015). Narriadura kognitibo arinaren prebalentzia duten eta Alzheimer gaixotasunaren fase aurre-klinikoan eta prodromikoan dauden herritarrei buruzko azterlana da. Baheketaren I. fasea: 697 lagun; Diagnostikoaren II. fasea: 277 lagun.

Gipuzkoa Alzheimer proiektuaren (PGA) luzetarako azterlana. 2011n abiarazita, 40 eta 80 urte bitarteko pertsona talde bati buruzko luzetarako azterlana da, kognitiboki osasuntsu daude edo sintoma kognitibo arinak dituzte. Hiru bisitaldi egin dira batez beste 8 urteko jarraipen denboran zehar: PGA1 (2011-2012, 410. zk.), PGA2 (2013-2014, 370. zk.), PGA3 (2018-2020, 300. zk.).

Plataformaren ezaugarri azpimarragarriak:

  • Bikaintasuna Zorroztasun zientifikoarekin bildu dira datuak, eta nazioartean egiaztatutako tresnak baliatu dira.
  • Saiakuntza bankua Ikerketa plataforma hau saiakuntza banku ezin hobea da ikerketaren alorreko ezin konta ahala galderei erantzuteko.
  • AzeleragailuaOdolaren, gernuaren eta likido zefalorrakideoaren lagin biologikoen eta datu osagarrien eskuragarritasunari esker, egiazko azeleragailua da aurrerapauso berrien bilaketan.
  • Datu gordinak Datu gordinak prozesatu eta optimizatu egin daitezke hainbat proiektutan ustiatzeko.